.jpeg)
رواية كافيه حبنا الفصل الثالث 3 بقلم فاطمه علي عبد المنعم
بااااااابى بااااااااابى
- مروان حبيبى عامل ايه يا بطل
_ الحمدلله يا بابى وحشتنى اوى
- وانت كمان حبيبى
= كنت بصاله بصدمه يعنى مجوز ومخلف ااااه يا قلبى انا الى علقت نفسى اخدت شنطتى ومشيت
- اريچ اريچ استنى
_ مين دى يا بابى
- خليك هنا حبيبى ثوانى ... جريت وراها الحقها بس ملقتهاش اكيد فهمت غلط
= مشيت بسرعه وبعدت عنه ومكنتش قادرة اتحكم فى دموعى معقوله متجوز بس مفيش فى ايده دبله وكمان مخلف بجد مصدومه روحت وانهارت فى اوضتى اه انا حبيته ليه يعمل معايا كدا مكنش اهتم بيا انا حسيت بحبه اتجاهى وبخوفه عليا معقوله اكون ساذجه وعاميه لدرجادى يارب ريح قلبى قومت اتوضيت وصليت وعيطت كتير فى الصلاة وقومت نمت وعدى كام يوم كانت نفسيتى مدمرة فيهم وماما دخلتلى الاوضه وقالتلى ان بابا عايزنى وقومت روحتله
= حضرتك عاوزنى يا بابا
_ اه يا حبيبتى تعالى
= نعم با بابا
_ ريجو حبيبة بابا جالها عريس هيخطفها منى
= ع عريس بس انا مش عايزة اتجوز دلوقتى
_ حبيبتى مين قال جواز دا تعارف وفى خطوبه لسه
= بس يا بابا
_ مفيش بس بكره تشوفيه وتقولى رايك
= حاضر يا بابا عن اذنك
دخلت اوضتى وكنت هموت واعيط ازاى اكون بحب واحد وقلبى معاه وعمرنا ما هنتجمع ودلوقتى هتجوز واحد تانى يارب حلها من عندك يارب ،،،، جه تانى يوم وجهزت وكنت تعبانه ومش طايقه نفسى وقولت اول ما هدخل هرفضه عالطول ماما جت اخدتنى ودخلت ومبصتش لحد
وسابنا وخرج بابا شويه
- اريچ
= اترعشت من صوته معقوله دا صوت يحيى رفعت عينى واتصدمت بيه
- وحشتينى اوى يا اريچ كنت هتجنن عليكى
= انت ايه الى جابك هنا فاكر انى ممكن اتجوزك وانت متجوز وعندك طفل
- متجوز!!!! يعنى دا السبب فى زعلك ابتسم دى غيره بقى
= وانا انا هغير عليك ليه ان شاء الله
- يعنى مزعلتيش انى متجوز
= لا لا مزعلتش
- بصى فى عينى وقوليها يا اريچ
= بصتله وفضلت ساكته وعينى مدمعه
- انا ممكن استحمل اى حاجه فى الدنيا الا دموعك يا اريچ
= وقتها عيطت جامد
- طب انا اسف حقك عليا والله انا مش متجوز دا ابن اخويا الله يرحمه وهو متعلق بيا وعلشان كدا بيقولى يا بابا
= ابن اخوك بجد
- اه والله
= انا انا مكنتش اعرف يا يحيى واتصدمت
- وعلشان كدا هربتى منى وعذبتى قلبى بس حقك كفايه دموع بقى .. وحشتينى
= بصيت للارض وسكت
- اريچ انا بحبك .. بحبك اوى من اول مرة شوفتك خطفتى قلبى ومبقتش عارف اركز غير معاكى ولما جيتى الكافيه تانى كنت بتمنى وبدعى انك تيجى والحمدلله ربنا استجاب واول ما قعدتى على تربيزة حلفت ان محدش هيلمسها غيرك انتى وانا بس كنت بغير لو حد كلمك او فكر يقدملك حاجتك غيرى انتى تقريبا سحرتينى
= بصتله وانا مصدومه من كلامه ،،، طب ليه بتشتغل وايتر طالما المكان بتاعك
- لانى بحب الشغل مش بحب جو المديرين والمكاتب والكلام دا
= محدش بقى بيعمل كدا
- مش انا عملت يبقى فى هى دى حاجه مديقاكى
= لا طبعا دى حاجه احترمها ،،،، بصلى وسرح وبعد كدا فاق
-اريج انا عايز مع الخطوبه كتب كتاب انا مش هقدر استنى سنتين زى ما بباكى عايز من غير ما تكونى على اسمى
= بس انا خايفه اتعطل عن مذاكرتى
- اوعدك انى هشجعك وعمرى ما هعطلك بس ارجوكى وافقى يا اريچ بباكى قالى لو هى وافقت
= الى يشوفه بابا
- بصى انتى هتوافقى يعنى هتوافقى والا هبات عندكوا هنا لحد.ما توافقى
= ههههه موافقه
- واخيرا طب ممكن تقبلى منى الهديه دى
= ايه دى
- افتحيها يا ست البنات
= فتحتها ولقتها خمار كنت هطير من السعاده
- يارب تكون عجبتك
= دى احلى هديه جاتلى فى حياتى انت عرفت منين انى نفسى البسه
- انا الاظرف بتاعتك كلها معايا يا ريچو وعايزك تلبسيه بقى واوعى تقلعيه
= مستحيل انا عمرى ما هقلعه ومن بكره هلبسه
- هتكونى ملكه بيه يا اريچ
= اتكسفت ومعرفتش ارد
- خدى بقى الظرف دا وانا همشى ونتقابل بعد اسبوعين فى كتب الكتاب واختارى فستان واسع وعليه الخمار يا اريچ اتفقنا
= اتفقنا
- اشوفك يوم خطوبتنا يا زوجتى المستقبليه
= مع السلامه يا يحيى
- ناشفه كدا
= اه ان كان عاجب بقى
- اى حاجه منك تعجبنى يا احلى اريچ
= مشى وانا جريت على اوضتى فضلت اتنطت من الفرحه وفضلت اقيس فى الخمار واشوف شكله عليا وافتكرت الظرف فتحته ولقيته رادد على الى انا كتباه
" هل لك ان تميل لى مثلما اميل لك "
"منك وإليك أميل وأنتمى "
فرحت اوى اوى معنى كدا انه قرأ كل كلامى اتبسطت اوى وعدت الايام ومرت وفات الاسبوعين وانهارده كتب الكتاب دورت ولفيت كتير على فستان يليق مع الخمار بتاعه ولبست وجهزت وجه وقت كتب الكتاب كان قاعد فى وشى وباصصلى وبس وهو بيردد كل حرف وكلمه ورا المأزون واخيرآ
" بارك الله لكما وبارك عليكما وجمع بينكما فى خير "
= كنت مكسوفه اوى وهو قرب منى ومسك ايدى اترعشت من اول لمسه منه ايده خشنه وجميله
- مبروك يا اريچى
= الله يبارك فيك
- انتى ملكه بالخمار
= مش لدرجة ملكه
- انتى من اجمل ملكات الارض بالنسبالى ... بل انتى الملكه الوحيده فى الارض
= كنت ببصله بحب اوى ومش لاقيه كلام اقوله
- تسمحيلى البسك شبكتك ... يارب تعجبك
= طالما زوقك اكيد هتعجبنى ،،،، كانت عبارة عن خاتم رقيق وجميل واسورة وسلسله عليه لفظ الجلاله " الله" كنت هطير من السعاده بيهم لبسنى الخاتم وباس ايدى ولبسنى السلسه وباس دماغى
- اوعى تقلعى السلسله وان شاء الله ربنا يحفظك ليا دايما يارب
= بحبك يا يحيى
- قولتى ايه يا اريچ
= مقولتش حاجه ههه
- لا ابوس ايدك دا انا ما صدقت اسمعها قوليها وحياة يحيى عندك
= بحبك يايحيى
- وانا بعشقك يا قلب يحيى
= عدوا السنتين وانا معاه اسعد ايام حياتى وانا جنبه غيرته مميته بيغير عليا حتى من ابن اخوه الى عنده 6 سنين واوقات غيرته بتخوفنى بس بيرجع ياخدنى فى حضنه ويطمنى ودايما يقولى " دا انا اشك فى نفسى ولا اشك فيكى يا اريچى" فرحنا قرب خلاص ورايحين نشترى الفستان سوا يارب ما نتخانق ههه
- اريج خدى هنا انا بكلمك
_ فى ايه بس يا ولاد كل ما تخرجوا تتخانقوا كدا
= اسال الاستاذ يا بابا عمل ايه
_ اريج احترمى جوزك حد.يقول كدا ومشاكلكم حلوها سوا
= حسيت انى غلطت فعلا بصيتله ولقيته غضبان منى ،،، اسفه مكنش قصدى بس مينفعش الى حصل دا يا يحيى
- يعنى اسيب واحد يعاكس مراتى وانا واقف طرطور
= كنت على الاقل زعقله لكن انت ضربته بالبوكس وبوقه جاب دم
- احمدى ربنا انى مقتلتوش بقى انا يقولى مراتك تجنننن وزى القمر والله نفسى اروح اموته
= طب اهدا يا حبيبى
- اريج انتى مش لسه هتتعرفى عليا ومش هتتعرفى على غيرتى
= يا حبيبى انا عارفه وانت عارف انا بحب غيرتك اد ايه بس انا بخاف لما تتعصب
- انتى عارفه الا عصبييتى بتيجى عندك وبعمل استوب
= طب خلاص اهدا بقى
- ماشى يا حبيبتى خلص الموضوع وننزل بكره نشوف الفستان
= ماشى يا حبيبى
- اااه من حبيبى بتاعتك دى بتجننينى
= هههههه انت مجنون خلقه اصلا
- بقى كدا طب تعالى بقى
= يحيى اعقل بابا برا وممكن يدخل فى اى وقت
- لما انتى مش أد جنانى بتطلعيه ليه
= كدا بحب انكشك
- ماشى يا لمضه يلا سلام عليكم
= وعليكم السلام خلى بالك من نفسك ... باسنى من راسى
- حاضر يا حبيبتى
= عدى الوقت وانهارده فرحنا اد ايه مبسوطه وخايفه ومتوترة وكل حاجه وقالى انه عاملى مفاجأة بعد الفرح عملنا الفرح فى الكافيه المكان الى اتولد فيه حبنا وكان احلى فرح فى الدنيا وكان الفرح شغال ودا شالنى مرة واحده
- بعد اذنكم يا جماعة الخير ورانا شهر عسل وطيارة هتفوتنا مسمعش حد يرن علينا لمدة الاسبوعين الى واخدنهم
_ نعم يا يحيى
- الا انت يا حمايا العزيز وحماتى العزيزة
= يحيى نزلنى
- اسكتى انتى ،،، مع السلامه يا بشر
= يحيى يا مجنون الناس بتبص علينا وبعدين طيارة ايه الى بتقول عليها انت هتجننى
- اركبى بس مش فاضيين
= طب فهمنى
- انا خاطفك ياستى الغردقه لمدة اسبوعين مش انتى مجننانى ونفسك تروحى بحر
= يا حبيبى ربنا يخليك ليا يارب
- ويخليكى ليا يا قلبى والمكان هناك تحفه وهيعجبك اوى
= اى مكان معاك هيكون جنه
- لان انتى جنتى يا اريچ ... بحبك .
روحــي تتمــرد واليــك تطيـــر
كيــف اخبــرهـا ان التجـــوال أمــرٌ خطيــر
جــاري البحــث عنـــك
كيـــف اقنعهـــا انــك بـالوتيــن قــريــر
فاكتفيــتُ بالصــمت
وعجــزت ان اقــول لك الكثيـــر
تمت .
